سجّل النقطة في وقتها
دفعت نقطة أو خدتها؟ سجّل المبلغ، التاريخ والمناسبة. ولو كانت هدية، سجّلها برضه.
الطريقة القديمة
كنا بنعملها كده...
أسامي، أرقام، شطب، وردّ في مناسبات تانية... ومع الوقت الموضوع بيتعقد.
إيه هي الكراسة الصفرا؟
زمان كنا بنكتب مين نقطنا بكام على ورقة أو في كشكول، نشطب ونضيف ونكتب رديناها فين. الكراسة الصفرا هي نفس الفكرة اللي كلنا عارفينها، بس بشكل منظم: كراستك الشخصية اللي بتسجل فيها مين نقطك وإنت نقطت مين، سواء في فرح أو خطوبة أو مولود أو أي مناسبة تانية. هي ذاكرة منظمة للنقطة من غير ورق يضيع ولا تفاصيل تتوه.
الكراسة بتعملك إيه؟
كل حاجة كنت بتكتبها وتدوّر عليها في الورق، بقت مترتبة قدامك.
مش فاكر بينكوا إيه؟ دوس على اسمه
ابحث عن أي شخص وشوف سجل النقطة بينكم بالتفصيل، مين دفع لمين، بكام، وفي أنهي مناسبة.
لمّ نقطة المناسبة كلها في مكان واحد
ضيف مناسبة زي فرحك أو خطوبتك أو مولود، وكل نقطة مرتبطة بيها هتتجمع جواها.