إيه هي الكراسة الصفرا؟
الكراسة الصفرا هي كراستك الشخصية اللي بتسجل فيها مين نقطك وإنت نقطت مين — في الأفراح والخطوبة والمولود وأي مناسبة تانية. مش تطبيق بنكي ومش وسيلة دفع، هي بس ذاكرة منظمة لحاجة إحنا كلنا بنحاول نفتكرها.
نقط الفلوس
سجّل كل نقطة فلوس نقطتها أو نقطتهالك، بالمبلغ والمناسبة والتاريخ، عشان تفتكر مين قدّم لمين وإمتى.
الهدايا مش بس الفلوس
مش كل نقطة لازم تكون فلوس. سجّل الهدايا العينية زي البورتريه أو الدهب أو أي هدية، من غير ما تحدد قيمتها بالجنيه.
الناس والمناسبات
احتفظ بقائمة الناس اللي في حياتك، واربط كل نقطة بمناسبتها — فرح، خطوبة، مولود، أو أي مناسبة تانية.
كراسة شخصية وخاصة بيك
كراستك محمية بحسابك على جوجل، ومحدش يشوفها غيرك. مفيش إعلانات، ومفيش بيع بيانات لحد.